PRECIOUS TIME WITH THE LORD

Niadtong Sabado Nobyembre 15, 2014, naghimo kami sa amuang programa sa pagbisita sa mga kabalayan. Sa among pagbisita, nakahimamat kami sa us aka masakiton nga nanay. Sa iyang pagkasayod nga mga seminarista diay kami, malipayon siyang nagpasulod ug nakigkukabildo kanamo. Diha-diha, gisaysay ni nanay ang mga wala damhang panghitabo sa iyang kinabuhi nga diin maoy naghatag kaniya sa tumang kalisod sa panglawas. Matod pa niya, ang maong accidente maoy nakababag sa iyang pag-alagad diha sa Ginoo ilabi na diha sa pagsimba matag Domingo.

Sa pagkatinuod, malipayon ako diha sa akong paghinabi ni nanay. Nasayod man gud ako nga bisan ang among simply nga pagbisita kaniya, nakahatag kadto kaniya ug dugang inspirasyon ug paglaum sa pagpadayon ug pag-alagad sa Dios ug nakahupay sa iyang kasakit.

            

Kadtong maong kasinati-an, naghatag kanako ug dugang paglaum ug inspiration diha sa akong pagpangalagad isip inumol diha sa gugma sa Dios aron mamahimong pari sa umaabot. Nadasig usab ako diha sa pagpadayon sa among pagbisita sa mga kabalayan.

Ang maong kasinatian nagtudlo kanako nga bisan dei ang mga gagmayng butang nga imung igahin sa uban makahatag na kini ug dakong kaayohan kanila. Ang pag-gahin ug panahon sa usag-usag ug ang paghatag niini sa kinasingkasing nga paagi mao gayod ang pinakaimportante diha sa pagpangalagad. 

  

Sa ahong pamalandong, sanglit nakita man nahu nga nagbunga man ug maayo ang among gibuhat, amua kining palambuon pag-ayo pinaagi sa pagpaningkamot nga makahatag kami ug panahon ngadto sa mga katawhan. Tungod niini, kanunay usab nako giampo sa Ginoo nga pinaagi sa among pastoral nga buhat makatandong kami ug mga kasingkasing inubanan sa iyang grasya ug kaluoy.